De volta escribindo algo para arquivar/socializar, exercicio que non quero deixar de facer alén de que cada día me coste máis poñerme diante do computador. Hai uns meses, fuxindo das persistentes choivas deste ano no noroeste, e como tamén estaba o concerto de Screamin' Cheetah Wheelies en Madrid, marchei a ocuparlle a casa a Pablo unha tempada e que me sacase de paseo. O tempo estivo algo raro tamén na zona centro pero poidemos aproveitar e gozar da compañía doutros colegas, neste caso tamén nos acompañou Ivan, enorme persoa e especime trepador de calidade, he he.
![](https://blogger.googleusercontent.com/img/b/R29vZ2xl/AVvXsEhdYw0R3uXQZyoCFhVS85YrnaIsB52XZpe1XKvfxnElJEFEX21c5SXsySq2tbI1MlyB3sVzHpMMBNHq0AxG7pP1VUmDZlhyrwLKX-7QWkCm4iRGcWsOgY46nZ-88x1lrRpoIU7jmL-4sCwsQPHGS1TuiXE6uuil02j3VYt77yrM6WCDOTfKv8EpYkm3MaBI/w200-h113/0.jpg)
Nunca escalara no contorno da Maliciosa. O Peñotillo é unha parede un pouco máis modesta que podemos ver á súa esquerda e un pouco máis baixa segundo ollamos para a serra, como a unha hora a pico camiñando desde o aparcadoiro da Barranca (ao se accede desde a vila de Navacerrada). A rocha é excelente, percorrida por placas e fendas de calidade cunha lonxitude de arredor dos 100 mts. Ese día ía fresco e, pola tarde, levantouse vento asi que fixemos dúas vías e saimos pitando. Quentamos no
Diedro Mogoteras, clásico a tope e moi recomendable para tomar contacto, e despois fomos apretar na
Son Rumores, cun primeiro longo moi bonito, aínda que cun final finísimo de placa, porén necesario para a beleza granítica dos longos superiores, máis humanos e de grande calidade. Perfectamente equipada. Unhas fotos
![](https://blogger.googleusercontent.com/img/b/R29vZ2xl/AVvXsEjpugrGfgAeNW9lUofHnt1ujUJxDJ84rOTQy0ctK8PFL8EwrP45QNdg1k42-XJ3QZHAey9XTU95ZducmvYqCBQkXOOcLEe1C8lxCrb7q2wppmAk3oKeAtbz8xL9PdFgaQvAgFncLfbR-okYk9Z6R6tFC-Ej3j8T0_HTqY70RG6iHv-l5IZQhUYSYL5-8vXu/w360-h640/1.jpg) |
Na segunda tirada do Diedro Mogoteras, V+
|
![](https://blogger.googleusercontent.com/img/b/R29vZ2xl/AVvXsEiPfvA33WprR3xknfaScRQAKEe_d-GFRjCZTXSp6racQFEY3Ud8JrdLwuHiDmHno4GF1X7Y7lfkm5048_qzVfk5UoG4usWyLkChS73C_aI6upu4pdpxJniM1fuxtjCJNTkyFdsIUlH2EfMLbuxWMkuam3QwtC-ctHWQ0HcmBw1tgaMTMjBQCh7YpzMl6ZPZ/w640-h360/2.jpg) |
Iván gozando do L3 do Diedro, tirada longa ata arriba.
|
Video que me fixeron no L1 da
Son Rumores, pouco durei subido a esa placa, he he.
![](https://blogger.googleusercontent.com/img/b/R29vZ2xl/AVvXsEhLJBLzuOvh03hGdWHO9jL84Do7a5toqv8tL089B7W-MHJs4HdQqbzfyMdIm0gWQE8tA3jzB0Wi2Zl8XzcCyQbcqKixmQjj4MV186j-AfwVRnYeSZfmflr_Qi7bSIiU7lsVLYrGR50SMC2mv3oJyxLaO_t65lBSRxu-Azrs0Hr7MVO8S1WZu1Af8jm3SyaR/w640-h360/4.jpg) |
Ivan soluciona con mestría o L2 negociando unha fendiña preciosa, 6c.
|
![](https://blogger.googleusercontent.com/img/b/R29vZ2xl/AVvXsEh9qbvJaB36ySb4jU7FoXZYgUTvbOZ8J-77ukDFDD9BoJnMgboyGZ0CFnDnF8VdDnpRqvqpyhZxDDgQridURA9GQRhggLm1QA9MALS_B7JJlF6e8yKFSOcfN3iBczU3Fi_3N_59pvv9xtGEeyukGOqfle8GmkATWe72mUHF_4CdgBv5NNuKr5ApRnruV43q/w640-h620/pe%C3%B1otillo%20bosquexo.jpg) |
Bosquexiño que fixen da situación das dúas vías, fusilando unha foto da zona central do Peñotillo que saia por internet e que espero que non moleste a ninguén. |
|
![](https://blogger.googleusercontent.com/img/b/R29vZ2xl/AVvXsEiiO38GhE-7UBLjcm2qj__8RuK-BWXCobJggdGJCU84i92_LF_T3pCDmWOtj-00d09fgpRK6TxWwZWyj9lrx9k0osyHPGN4IGpvM569MYj4-xa231gcqhRizupwvuZ8SE_r4QVdEARhBiu5Ey_ud7ywrETwJCLcHod92xH8-92wKjS8QCJok7MHx3PMiBWl/w640-h480/20231128_152916.jpg) |
Ao día seguinte que daban malo fomos coñecer San Martin de Valdeiglesias, este sector El Callejón ten moi boas vías. Pablo baixando de Elevando los sentimientos, un 7b ben chulo... e ao solazooooo!!!
|
Ningún comentario:
Publicar un comentario