FENDAS E FERRALLA: Peñón de Ifach: Los Miserables + Línea Mágica

Seguimos por Levante, agora en Calpe dándolle caña ao Peñón... outro lugar de infarto, voando sobre o Mediterraneo cunhas paellas esquisitas esperando no porto, un paraiso de escaladores rodeados de turismo que desaparece en canto te arrimas á parede, e con moito respecto ás donas do lugar que impoñen a súa cultura territorial e a defensa da prole, escalamos cando as gaivotas nolo permiten... porén desta vez estaban máis tranquilas!! Seguimos dando estopa Martin, Josele, Julián (que nos abandonaría o dia que fixemos a Linea Mágica) e un servidor. O Peñon sempre é un trunfo!! Esta vez escollimos dúas boas vías que, aínda que de corte bastante diferente, son dúas gozadas máis desta pena chantada no mesmo bandullo da costa Mediterranea. E como o último día daban choiva marchamos para Chulilla, lugar precioso, unha escola que ben merece múltiples visitas por cantidade e calidade das súas vías.

Los Miserables é unha boa vía, algo desmellorada pola entrada común coa Valencianos, mais unha vez pasas os primeiros longos a cousa vai mellorando sobre placas bonitas, ata que na parte superior vas loando aos deuses da rocha pola beleza dos pasos de buracos con canto desplomado, a parte final faina unha vía moi apetitosa. Josele e Martín escolleron ese día a Costa Blanca, outra xoia do Peñón!! Bosquexo no Blog de Pablo

A Línea Magica comeza na parte central da parede e iso soe darlle outro carácter... rota peñonera cen por cen, esixente no seu grao e cun trazado brillante, comezas apretando por placa fina ao lado da Gómez-Cano, coa que comparte o final do L1 e todo o L2, e viaxas por uns desplomes de bóvedas e placas típicos do Peñón, sen que ningún longo teña desperdicio e co grao ben recio, penso eu! Rota altamente recomendable. No blog de Pablo podemos ver o reu relato da súa ascensión e dous bosquexos, un sobre foto e outro de Luichy que foi o que levamos nós!