Ecríns e Aosta: Xeo alpino co ENAG... en tempos de cambio climático!

A semana de xeo proxectada co Equipo de Nov@s Alpinistas Galeg@s (ENAG) estivo completa, escalamos fervenzas míticas e recoñecimos un contorno espectacular, xeo para pinchar hai... sen ningún luxo, as clásicas e aínda así xustiñas, as condicións foron servindo para cumprir co programa de tecnificación, basicamente fixemos o que procurabamos nesta viaxe. Os deportistas coido que gozaron e, alén diso, tivemos uns acompañantes de luxo: Alex e Alberto que nos acompañaron desde A Coruña e Toño desde Riglos. Eramos un equipaso e, no que a min respecta, gocei da semana... pena de máis xeo pero.... con Josito ao lado sempre se está a gusto, he he!

Comezamos por Ceillac e seguimos por Cervieres e Fournel, os vales clásicos onde escalar eran estes porque Freissinières estaba pelao, en Les Orres practicamente nada, algún dia dedicámolo ao esquí de montaña porque había unha neve excelente e repetimos visita a algúns destes vales. Escalamos todos os dias excepto o día de descanso activo que foi de esquí, así que non hai queixa. Despois da semana co ENAG Toño e eu seguimos camiño para Cogne, onde parecia que pola altura e condicións podería estar mellor... nin falar! escalamos fevenzas e pasámolo ben pero tampouco daba para moito, alén de que pillamos a molladura máis grande que agarrara nunca nunha cascada, sempre gozando...

No Chalet de Jacques (Vigneaux). Equipaso!!!

Abrindo pegada para chegar a Sombre Eros, dixéronos que case seguro que fomos os primeiros en escalala este inverno. Flipante!

Ronan en Sombre Eros, estaba máis recia do habitual

Ao baixar fixemos Les formes du chaos

Josito en Vermicelle, estaba relativamente cómoda.

Alberto escala Easy Rider por diante nosa!

Alberto e Álex... Bonita via encaixonada!!

Xogamos en Cervieres

Comezamos con Ronan en Cascade du Bourget

Eloy en Ancrage de Dent.

Marcos en Petit Bourget

Alberto en L´Tube, estaba cordado por baixo e fixemos unha polea porsi...

Josito arañando as ferramentas en Plus t´es rigide, plus t´es risible

Como traballan o esqui en Francia ehhhh, todo para os rapaciños!!!!

Aproximando en Fournel... equipaso!!!

Eloy descubrindo o xeo de Le monde des glases

Ronan no último longo da mesma vía, ao final saíunos un bo día de escalada!!!

En Davidoff... baixando!!!

Espectacular Delicados, talvez a mellor fervenza este ano en Fournel.

Dia de esquí por Cervieres, comprobación de ARVAS!

Neve espectacular... unha gozada que se atopa poucas veces nas nosas montañas!

Un día magnifico!!

Subimos ao Poggio Carabinieri (2209) e ao Fournier (2424), coido que sobre 1500 mts de desnivel positivo. Ao fondo a Barre des Ecrins!!

Descenso de gozar... seseando!!!!

Xogamos en Cogne, a vila estaba preciosa duns días atrás nos que nevara!!

Repentance Super, a mellor fervenza que catamos este ano, o problema foi a calor... e a ducha de auga que pillamos!!

Toño subindo o L1, estaba parecido á outra vez que a fixera, coliflores e laxes enormes que tiraban para atrás e que habia que traballar.

Toño comeza o L2, cada vez cae máis auga pola fervenza!!

Eu na reu, como unha cova que se forma no medio da fervenza... estaba protexido da auga!!

Toño métese no medio da cascada apañando unha ducha de litros e litros... cando eu cheguei a ese punto a auga corríame polos brazos abaixo, notábaa enchoupándome os gallumbos e... cando cheguei á R2, onde estaba Toño, unha bota facia chof chof!!!

Rapelamos e marchamos correndo para o coche, e á ducha, porque estabamos completamente empapados e conxelados!!

Ao día seguinte no L1 de Il Candelabro del coyote, algo xusta pero en perfecto estado!!

Toño no L3, pola dereita estaba fácil pero iamos buscando cachondeo!! e había traballo por estas colunnas!!

Un rápel polo seu sitio!!! he he!!!

Ese día fixemos doblete, ao baixar atacamos a Cascata di Lillaz, unha barranca de moitísima auga con varios resaltes fáciles, o máis interesante o primeiro que vedes na foto!

A barranca é moi bonita, só por iso merece a pena. Hai que ter coidado de non meterse perto dos buracos que forma a auga no xeo (hai moito caudal), se rompe o xeo e te chupa a auga por dentro del... mal asunto!!

Tiñamos intencion de ir a Pattinaggio artístico (entrando pola esquerda) pero esa mañá caeron mais de 20 cm e ameazaba con seguir... marchamos para Chamonix, pero iso xa é outro conto...