FENDAS E FERRALLA: Serra Carbonera. Paret de les gralles: varias vías ao norte do sol indómito!

A idea era ir a Ordesa mais a treboada estaba asegurada en todo o Pireneo, a calor era imposible eses días e a gañas podíannos a Jesus e a min, porén o meu compi sempre ten recursos e suxeríu a Paret de les Gralles, de orientación norte e, talvez, un dos poucos lugares que podía estar lonxe da man de Thor e onde as condicións nos permiten escalar os días máis tórridos. Finalmente Jesus fala con Victor que nos acompaña, un luxo poder trepar con este titán, incasable aperturista e pai dalgunhas das criaturas que escalamos, finalmente fixemos Catalunya is not Spain, Vía de Victor Francia e Urbi et Orbi. Velaí como un día aparentemente difícil de salvar se volve de cara, á festa tamén se apuntaron Victor-Francia e Marc que andiveron por aló e fixeron un par de vías.

A Primeira que fixemos foi Catalunya is not Spain, recentemente aberta por Victor e que había que catar; son tres longos de rocha "carboneira" ben divertidos, é a única vía do lugar equipada para ir só con cintas, o mellor o diedro do L1. Despois dun novo rápel e algo de trave selvática fomos á Vía de Victor Francia (realmente aínda non ten nome mais os meus compis nominárona sobre a marcha), aberta tamén recentemente polo suxeito que indica o mesmo nome, he he, gustoume algo máis ca primeira, despois dun L1 algo roto pero interesante atacamos un L2 precioso e ben aberto, alén de que o L3 tamén merece moito a pena . E como non hai dúas sen tres... un novo rápel por Urbi et Orbi, que é a mesma liña de baixada, para gozar de dous longos magníficos, principalmente o final do L2. Podedes ver máis info e bosquexos no blog do Jesus