Mallo Cuchillo: Filomatic

Un novo plano B que funciona. Tiñamos outras ideas mais ás veces o mundo vólvese contra ti e non che queda outra que adaptarte, porén as altenativas deben medirse segundo as posibilidades e a ambición abranguer o mesmo cá humildade... non sei se este foi o caso! he he. Equipada por Toño e Josema naqueles inicios dos noventa onde, a falta de whashap, dábaselle por abrir vías con personalidade e a escalada era un xogo onde a cabeza sempre formaba parte fundamental da aventura; Armand Ballart definia maxistralmente a escalada en Riglos naquel estupendo traballo publicado no Game 21, como "escola con carácter".... algunhas veces o carácter prevalece, he he.

Repetir a vía cun dos aperturistas sempre é un luxo, alén de que tamén é unha fonte de información. Segundo subiamos Toño lembraba cando a endadeara con Nacho e íame dirixindo e contando os segredos da ruta, descansos, estratéxias... A vía é impresionante, persegue todo o impulso desplomado que sinala o mesmo fio, e para encadeala hai que estar forte e ter un melón ben curtido, coincide na parte central co Filo del Cuchillo (nesta parte van moi xuntas e comparten un longo e pico en común); o grao pareceume duro máis non son de fíar porque ía co escroto en modo apretao polos talegazos que vas salvando de chapa en chapa, he he. A rocha é moi boa ata a metade do L3, na parte superior aparece esa costra cutre típica coa que hai que navegar as veces; a beleza está no segundo longo, seguro que dos mellores de todo Riglos, o último pareceume delicado, talvez un pouco expo nalgún sitio puntual. Unhas fotos...

Toño atacando esa panza bruta do L1, este primero longo xa che vai dicindo por onde van os tiros, 6c

Este L2 é bestial... longo, continuo e desplomado! 7b, parece que en troques de procurar o fío do coitelo buscas o sabre do samurai, he he... e vas bailando dun lado para o outro desa grande proa!

A foto artística, ou o negativo, dese mesmo longo.

O L3 dividimolo en dous porque equivoqueime e fixen unha reu do Filo del Cuchillo que están reequipando, Toño agradeceu que tirase eu despois de chegar á R2 con 50m desplomados nos antebrazos!!

Vaia xoia de reunión esta do Filo del Cuchillo, todo un traballo de artesán! Convivindo co novo reequipamento que están facendo nesta vía e que xa chegou ás reunións... a verdade é que algún seguro nos longos servirá para poder escalala con algo de seguridade porque o estado é lamentable, son deses buriles cutres (parecen chinchetas) nos que como caias probablemente descosas todo como se fose manteiga!

O meu anfitrión escalando a parte final do L3, co longo dividido en dous coido que ningunha parte sae de 7b....

Toño no último longo, con algunhas panzas delicadas! 6c