Fire: Vía de las fisuras

Agradable sorpresa a da Vía das fisuras do Fire, nunca me chamara a atención por iso das lendas de que estaba rotísima... ata que o ano pasado a restaurarón Óscar Palacios e Miguel Carasol (traballo que hai que agradecerlles e que non sempre se fai, mesmo ás veces todo o contrario). Algún tempo despois lin algún blog falando decentemente da ruta e deixeina no apartado "stand by" da miña memoria, pasaron os meses e, aínda que non me custou moito, puiden rescatala do "disco duro" e convencer a Toño para que a repetise comigo. Cando digo que a sorpresa foi grata é porque a rocha, sendo a típica do Fire, pareceume bastante aceptable, mesmo diria que está bastante ben, exceptuando algún pequeno tramo... alén de que escalar con Toño sempre é un pracer, e máis en Riglos! Cada día teño máis claro que hai que ir ás vías e deixar de facer caso das lendas!

Particularmente paréceme unha boa vía, ademais de recomendable. A ruta foi aberta en 1979 por J.L Ortiz (Tronco) e Nacho, uns autenticos máquinas! Podesdes ver unha entrada en barrabes.com con toda a info sobre o estupendo reequipamento e un bo bosquexo da ruta. A vía comeza na R5 da Galletas (comparten reunión), nós entramos pola Directa as cimas e en dous longos puxémonos na R0, alén de que os catro primeiros longos da vía poden facerse perfectamente en dous, e son longos moi bos; o treito expo penso que, aínda que hai que escalar, se protexe decentemente. Déixovos cunha montaxe de vídeo desas que estou aínda aprendendo a facer, ha ha, tamén fixen un pequeno bosquexo de como fixemos nós a vía, espero que vos guste! 

Así foi a nosa escalada

Así a fixemos nós... entrando pola Directa as Cimas e, despois da R3 unha pequena trave para pillar unha chapa da Galletas e ata a R común, a partir de aqui, xa pola Vía de las fisuras, en catro longos chegas ao cumio perfectamente facendo os catro primeiros longos en dous.