Era dezaoito de xaneiro e aínda non viñera o frío, Martin e eu queriamos cascadas pero non había... a solución para pinchar algo eran os corredores, ademais de pinchar xeo as montañas teñen estas "arterias" para permitirnos subilas de forma natural, aínda que non sempre fácil, e ás veces con bastante exposición.
O Maribel estaba en perfectas condicións, excepto a cascada inicial que estaba bastante cutre, porén había neve abondo e bastante dura, vamos un pracer para pasar voando! O corredor ten bastantes cravos e encontraredes bos emprazamentos para os empotradores e os friends, tanto para asegurar como para facer reunións, só metimos un tornillo de xeo, pero iso dependerá da cascada inicial. Imos ver unhas fotos.
O primeiro resalte remata nesta cascada, había que meterse un pouco por rocha á dereita para logo saír pinchando na parte superior da cascada.
Boa foto de martin saíndo doutro resalte máis... o máquina no me daba tregua e iame metendo caña, ademais por riba ían 5 tios, non me digas como fixeron pero tiraban de todo, non os collimos ata o último longo pero sabiamos que estaban aí polo que caía.
Último resalte con algo de mixto e bo xeo por riba para saír, acababamos de ver saír aos que ían por diante.
Ningún comentario:
Publicar un comentario